წითელი ქოლგის ქვეშ უსქესო არსებები სექსზე ბუტბუტებდნენ…

დუმფარებზე მედუზები ირუჯებოდნენ, ხოლო სალათისფერი საცვლები გახუნებულ თოკებზე ტუჩებს ილოკავდნენ.

სალვადორ დალი ხეზე თავდაყირა ჩამოკიდებულიყო თავისი შიშველი სხეულით და იერარქიულ სარკეს „ერეკლებოდა“.

-არა,არა! ჩემი კალამი ნამდვილად „გამიანგელოზდა“. წერას ისევ თავში მდებარე ლორწოვანი მასის გამოძრავება მირჩევნია.

ვფიქრობ ვოლუნტარიზმის ესთეტიკურ და იმორალისტურ მხარეებზე, თუ როგორ დასდევს ლეიტმოტივათ ჩვენს ეთიკურ „ჰარმონიას“ ტრადიციული მორალი.

სიმართლე, რომ გითხრათ, ეს სხვა არაფერია, გარდა იერარქიის სარკის, რელიგიურის, ეთიკურის, თუ კულტურულის „სიყალბის“ დამკვიდრება.

ზოგადად კლოუნები მარიონეტების ანტიპოდები არიან, მაგრამ ფსევდობაღნობის თამაშით შეწუხებული კაცობრიობა ამას ადამიანის ზედა ნაწილში მოთავსებულ ლორწოვან მასამდე ვერ უშვებს.

სრულიად არასრულფასოვნებათ მეჩვენებიან თავმოტვლეპილი, აჰიგიენური და ჩამომავლობით ზეკაცი „სპლიყვები“.

ორფეხებო! ძალიან,  ხომ არ მოგაბეზრეთ თავი ჩემი მორალური თუ იმორალური შეფასებებით?! მაგრამ მორალი, ხომ მაინც ამფიბიური ნიღაბია.

Advertisements